မိုးကိုမျှော်နေကြပြီ။

အပူရှိန်က တိုးနေသလို သည်ကြားထဲလျှပ်စစ်မီးက ဒုက္ခထပ်ပေးလို့ လူတွေကမိုးကိုပဲမျှော်နေကြပြန်တယ်။

သင်္ကြန်နီးတုန်းက မိုးရိပ်ငွေ့ငွေ့လေးပြခဲ့ပေမဲ့ စိတ်ကျေနပ်ရလောက်အောင်မိုးကမရွာခဲ့ဘူး။ ခု မေလဆန်းရောက်သည့်တိုင် မိုးကနေရာမှားပြီး ရှမ်းပြည်ဘက်၊ အညာဘက်မှာ သွားသွားရွာနေတော့ ကိုယ့်တနင်္သာရီဒေသ၊ ထားဝယ်ဒေသသားတွေက မိုးခေါ်ပွဲပဲလုပ်ရမလား စဥ်းစားနေရပြီ။

တကယ်တော့ မိုးခေါ်ပွဲ မိုးခေါ်တေးဆိုတာ မေလတတိယအပတ်လောက်ထိ မိုးမရွာရင် (မိုးခေါင်နေရင်) ထားဝယ်မြို့အရှေ့ဘက်က ဇလွန်းရွာမှာ လုပ်လေ့ရှိတဲ့ ရိုးရာဓလေ့ယဥ်ကျေးမှုပွဲတစ်ပွဲပါ။ မိုးခေါ်တေးဆိုတာကလည်း အဲဒီပွဲ ကျင်းပရင် အုပ်စုလိုက်ဆိုကြတဲ့ရှေးဟောင်းထားဝယ်သီချင်း။

ခုလိုကာလမှာ မိုးကိုမျှော်နေကြတော့ ရှေးဟောင်းထားဝယ် မိုးခေါ်တေးကို တင်ဆက်ပေးလိုက်ပါတယ်။

မိုးခေါ်တေးနဲ့ပတ်သက်လို့ မှတ်သားစရာ အချက်အလက်လေးတွေကိုလည်းဖြည့်စွက် မှတ်ချက်ပြုပေးကြပါဦး။