လောကသရဖူ လျောင်းတော်မူ ဘုရား
ရွှေသာလျောင်းလို့ ထားဝယ်ဒေသသားတွေခေါ်ကြတဲ့ လောကသရဖူ လျောင်းတော်မူ ဘုရားဟာ ထားဝယ်မြို့ကနေ အရှေ့တောင်ဘက် လေးမိုင်အကွာ ၊ စပါးတောင်ခြေရင်း အလယ်ကုန်းရွာမှာ တည်ရှိပါတယ်။
၁၉၃၁ ခုနှစ်မှာ အုတ်မြစ်ချပြီး ၁၉၄၀ ခုနှစ်မှာ အပြီးသတ် အချောကိုင်နိုင်ခဲ့ပါတယ်။
၁၉၅၇ ခုနှစ်မှာ သံတန်ဆောင်းလုပ်ငန်းများ အပြီးသတ်ဆောင်ရွက်နိုင်ခဲ့တယ်လို့ မှတ်သားရဖူးပါတယ်။
ဘုရားရဲ့ ရောင်လျှံတော်ထိပ်ကနေ ခြေဖျားတော်အထိ ၁၆၂ တောင်ရှိတယ်လို့ သိရပါတယ်။
လျောင်းတော်မူ ဘုရားပွဲတော်ကိုတော့ နှစ်စဉ် တပို့တွဲလမှာကျင်းပလေ့ရှိပါတယ်။
