ဗိုးဒွဲလ အေးဆိုးဇာ့ခါ

ဝှေ့ လူလေ

မှန်းနဲ ထိုးမယ်လာ။

ကောန့်ညှင်း အောင်းသီး

ရှင်း ဆီ နှမ်းပါ

မ္လေဗဲ လေးညှင်း စောင်အောန်ယူလာ။

မိုးဗ္လဲဒယ်ဂီး ကောန့်ညှင်းပျော့ဟှာ

အားဂီးခွန်ခံ့ လူသန်လေလာ။

သစ်ယောန့်မဂီး မားမာယူလာ

ထိုးဂေ့ဟေ့ ကောန့်ညှင်းစေးစေးမာ။

ထိုးသားကောန်းဂေါန်း ရသာနှံ့ခါ

မှန်းနဲနံ့ မွှီးမွှီးဒတ်လာ

လတ်ပန်းက္လ စားရခါနီးမာ။

ပူဒူး နွဲ့ဒူး စားကေ့ကေ့ဗာ

ရသာဆိဆိ ဆီရွှဲရွှဲမာ

စားဟှိကောန်းဇာ့ မှန်းနဲ ရာသီဇာ။

ဧသင် (ခေတ္တ ဟွေး)

(၁၃ ရက် ဇန္နဝါရီလ ၂၀၂၆)

ရာသီက အေးပါဘိသနဲ့။ သည်ကာလ ထမနဲတွေ ထိုးကြ၊ စားကြ၊ ရာသီစာ လှိုင်လှိုင်ပေါတာပါ။ ထမနဲ ကို မိုးပြဲဒယ်ကြီးနဲ့ လူသန်ကြီးတွေ ဝိုင်းလို့ ဝန်းလို့ ချွေးပြိုက်ပြိုက်ကြအောင် ထိုးကြ၊ ရေကိုင်ဆရာရဲ့ စကားကို လိုက်နာလို့ အချိန်ကိုက် ဝိုင်းလုပ်ကြရတဲ့ စုပေါင်းလုပ်ကိုင်တဲ့ ဓလေ့ပါဝင်တဲ့ ရာသီစာပါ။ ဒါလေးကိုပဲ ကဗျာဖွဲ့လိုက်တာပါ။